Skorum á Alþingi að leggja aðildarumsóknina til hliðar

by

Við skorum á Alþingi að leggja aðildarumsókn að Evrópusambandinu til hliðar vegna þess að:

  1. Evrópusambandið hefur breyst frá því Alþingi samþykkti umsóknina og óvissa ríkir um framtíð þess og myntbandalagsins.
  2. Aðildarferlið er kostnaðarsamt og dreifir athygli stjórnsýslunnar frá mun brýnni viðfangsefnum.
  3. Skoðanakannanir sýna yfirgnæfandi og vaxandi andstöðu landsmanna við aðild.
Því fyrr sem Alþingi leggur þessa umsókn til hliðar því betra. Það útilokar ekki að taka upp aðildarviðræður við Evrópusambandið síðar, þegar aðstæður og vilji þjóðarinnar bjóða upp á það.

Formaður Framsóknarflokksins: “Versti kosturinn er að halda áfram viðræðum við þessar aðstæður”

by

Sigmundur Davíð ræddi stöðu aðildarumsóknarinnar í ræðu sinni á miðstjórnarfundi Framsóknarflokksins í Borgarnesi 26. nóvember 2011. Hér er sá hluti ræðunnar:

“Miðað við framtíðarhorfur Íslands annars vegar og í Evrópusambandsins hins vegar og með hliðsjón af því sem við höfum gengið í gegnum og það sem ESB stefnir í er í besta falli kaldhæðnislegt að við skulum vera að sækja um að aðlagast ESB og verða þátttakendur í sjálfsköpuðum vandamálum þess.

En auðvitað eru skiptar skoðanir um þetta. Til að sætta ólík sjónarmið lagði ég fram tillögu sem ætti að henta öllum, hvar sem þeir standa gagnvart Evrópusambandinu. Hugmynd um að gera hlé á viðræðunum eins og Svisslendingar og Maltverjar gerðu á sínum tíma. Meira →

Fleiri vilja hætta viðræðum

by

Samkvæmt könnun sem MMR gerði fyrir vefinn Andríki vilja 50,5% landsmanna draga umsókn um aðild að ESB til baka, 35,3% vilja halda umsókninni til streitu en 14,2% voru hvorki fylgjandi því né andvíg að draga umsókn til baka.

Könnunin var gerð dagana 10. til 14. nóvember sl. Svarendur voru 879 manns.

Spurt var: „Hversu fylgjandi eða andvíg(ur) ertu því að íslensk stjórnvöld dragi umsókn um aðild að Evrópusambandinu til baka?“ Andríki.is vekur sérstaka athygli á því að spurt var umyrðalaust um afstöðu manna til málsins, en ekki hengt við einn svarkostinn að honum fylgi hugsanleg þjóðaratkvæðagreiðsla, líkt og Fréttablaðið geri í könnunum sínum um sama efni.

Upptaka af fundi Heimssýnar og Herjan

by

Upptaka af hádegisfundi Heimssýnar og Herjan þar sem forystumenn flokka ræddu spurninguna: “Er skynsamlegt að leggja aðildarumsóknina í Evrópusambandið til hliðar?”

Framsögumenn: Bjarni Benediktsson, Sigmundur Davíð Gunnlaugsson, Steingrímur J Sigfússon og Valgerður Bjarnadóttir.

Röng spurning gefur rangt svar

by

Frosti Sigurjónsson skrifar í Timinn.is 10. september 2011

Fréttablaðið 12. september birtir sem forsíðufrétt í stóru letri að “Tveir þriðju vilja halda ESB-umsókn Íslands til streitu”. Það er niðurstaða könnunar sem Fréttablaðið framkvæmdi 8. september en hún stangast mjög á við nýlega könnun Capacent Gallup þar sem aðeins 44% vildu halda viðræðum til streitu. Hvað getur orsakað svo mikla sveiflu? Meira →

Hanna Birna Kristjánsdóttir vill draga umsóknina til baka

by

Hanna Birna Kristjánsdóttir í viðtali á Sprengisandi 11. september 2011

Sigurjón M. Egilsson: “Vilt þú draga umsóknina til baka?”

Hanna Birna Kristjánsdóttir: “Já, ég er þeirrar skoðunar að það hafi verið rangt að ganga til þessara verkefna núna. Ég tel að þetta mál sé næstum því þannig borið fram af ríkistjórninni, málið nýtur hvorki meirihlutastuðnings á þingi né hjá þjóðinni, og mér finnst það næstum andvana fætt. Meira →

SUS: Sammála Bjarna – drögum ESB umsóknina til baka

by

Ályktun Sambands Ungra Sjálfstæðismanna

Ungir sjálfstæðismenn fagna ummælum Bjarna Benediktssonar um að draga ESB umsóknina til baka

Stjórn Sambands ungra sjálfstæðismanna (SUS) lýsir yfir stuðningi við ummæli Bjarna Benediktssonar, formanns Sjálfstæðisflokksins, þess efnis að draga beri aðildarumsókn Íslands að Evrópusambandinu til baka. Ummælin lét Bjarni falla í útvarpsþættinum Sprengisandi á Bylgjunni þann 14. ágúst sl. Meira →

51% vilja draga umsókn til baka samkvæmt könnun Capacent Gallup

by

Í júní 2011 framkvæmdi Capacent Gallup könnun fyrir Heimssýn þar sem spurt var:

“Hversu hlynnt(ur) eða andvíg(ur) ert þú að Ísland dragi til baka umsókn sína um aðild að Evrópusambandinu?”

Niðurstaðan var sú að meirihlutinn, eða 51% er hlynntur því að draga umsóknina til baka. Ef litið er framhjá óákveðnum þá eru 56% hlynnt en 44% andvíg því að draga umsóknina til baka. Meira →